సీఐడీ చీఫ్ సునీల్ కుమార్ చేస్తున్న దాష్టికాలపై రాష్ట్ర ప్రజల్లో సహనం చచ్చిపోయే సమయం ఆసన్నమైంది అన్నారు ఎంపీ రఘురామ కృష్ణరాజు. ఇక అతని దాష్టికాలను చూస్తూ ప్రజలు ఊరుకునే పరిస్థితి లేదని కోర్టుల్లో పోరాటం చేస్తామని చెప్పారు. కేంద్రానికి ఇక్కడ చేస్తున్న అరాచకలను, హత్యాచారాలను తెలియజేస్తామన్నారు. ఏపీ సీఐడీ పోలీసులకు కోర్టులు ఎన్నిసార్లు చివాట్లు పెట్టినా దారుణంగా వ్యవహరిస్తున్నారని మండిపడ్డారు.ప్రజలను రక్షించవలసిన పోలీసులే భక్షకుల మాదిరిగా వ్యవహరిస్తుండడంతో ప్రజలు ఇల్లు వదిలి పారిపోవలసిన పరిస్థితులు నెలకొన్నాయని ఆందోళన వ్యక్తం చేశారు. మాజీ మంత్రి అయ్యన్నపాత్రుడు తనయుడు చింతకాయల విజయ్ ఉన్నత విద్యావంతుడు, సంస్కారి అన్నారు. విజయ్ ఎందులో దొరకడం లేదని ఏదో రకంగా కేసులలో ఇరికించాలని సీఐడీ పోలీసులు ప్రయత్నిస్తున్నారని మండిపడ్డారు. పనిమనిషిపై చేయి చేసుకోవడం, చిన్నారులను వేధించే హక్కు వారికి ఎక్కడిదని నిలదీశారు.వారెంట్ లేకుండా సోదాలు నిర్వహించే అధికారాన్ని సీఐడీ పోలీసులకు ఎవరిచ్చారని ప్రశ్నించారు.
ఒకప్పుడు దొంగలు వస్తున్నారు జాగ్రత్త అంటూ ప్రజలు భయపడే వారిని కానీ ఇప్పుడు ఏపీ సీఐడీ పోలీసులు వస్తున్నారు జాగ్రత్త అంటూ భయపడే రోజులు వచ్చాయని ఘాటు వ్యాఖ్యలు చేశారు. గతంలో తనని అరెస్టు చేసినట్లుగానే చింతకాయల విజయ్ ఇంటి ముందు రెక్కీ నిర్వహించారన్నారు. కాకపోతే విజయ్ ఇంట్లో లేకపోవడం వల్లే ఆయన్ని అరెస్టు చేయలేదని ఒకవేళ ఆయన ఇంట్లో ఉంటే ఎత్తుకు వెళ్లి ఏమి చేసేవారోనని అనుమానాన్ని వ్యక్తం చేశారు. విజయ్ ఇంటి ముందు రెక్కీ నిర్వహించినట్లుగా సీసీ ఫుటేజ్ లభించిందని ఆ సీసీ ఫుటేజ్‌ను కూడా ఏపీ సీఐడీ పోలీసులు ట్యాంపర్ చేసే ప్రయత్నం చేశారన్నారు. విజయ్ ఇంట్లో సోదాలు నిర్వహిస్తున్న విషయాన్ని తెలుసుకుని ఆయన లాయర్ అక్కడకు వెళ్ళగా సీఐడీ పోలీసులు తమ పథకాన్ని మార్చి 41 A నోటీసులు ఇచ్చేందుకు వచ్చామని బుకాయించారన్నారు. కోర్టు నుంచి సెర్చ్ వారెంట్ లేకుండా ఇంట్లో సోదాలు నిర్వహించడంతో అపార్ట్మెంట్ వాసులు గుమికూడి ప్రశ్నించడం వల్లే 41A నోటీసులను ఇవ్వడానికి వచ్చామంటూ కట్టు కథలను చెప్పారని విమర్శించారు.
సీఐడీ పోలీసులకు ఎవరు కూడా నేరుగా ఫిర్యాదు చేయరని ఫిర్యాదును స్వీకరించే అధికారం కూడా వారికి లేదన్నారు. చింతకాయల విజయ్‌కి ఇచ్చిన నోటీసులలో అతనిపై 153A కింద కేసు నమోదు చేసినట్లు పేర్కొన్నారని ఈ వ్యవహారంలో ప్రజల మధ్య చిచ్చు పెట్టే అంశం ఎక్కడ ఉంది అంటూ రఘురామ కృష్ణరాజు ప్రశ్నించారు. ఇక IPC 149 సెక్షన్ కింద కేసు నమోదు చేశారని అపరిచిత వ్యక్తిలా విజయ్ ఎవరిని భయపెట్టారని నిలదీశారు. కొంతమంది ప్రాపకం కోసం సీఐడీ పోలీసులు ఇలాంటి పనులు చేస్తున్నారని ధ్వజమెత్తారు. రాష్ట్రంలో శాంతి భద్రతలు క్షీణించాయని ఒక ప్రజాస్వామ్యవాదిగా రాష్ట్రపతి దృష్టికి ఈ విషయాన్ని తీసుకు వెళ్తానని రఘురామ కృష్ణరాజు తెలిపారు. రాష్ట్రంలో క్షీణించిన శాంతి భద్రతల దృష్ట్యా తక్షణ చర్యలు తీసుకోవాలని రాష్ట్రపతిని కోరుతానన్నారు. ప్రజలంతా బతకడానికి భయపడుతున్నారన్నారు.
ఏపీసీఐడీ అధికారులు ఎలాంటి నోటీసులూ ఇవ్వకుండా అయ్యన్నపాత్రుడు గారి కుమారుడు విజయ్ ఇంట్లోకి చొరబడి దౌర్జన్యంగా సోదాలు చేయడం, విశాఖపట్నం దసపల్లా భూముల కుంభకోణం వెనుక ఉన్నది ఎవరు? వారి పాత్ర ఏమిటి? మరియు పలు ఇతర ముఖ్య అంశాలపై ఈరోజు "రచ్చబండ".
Watch here -> https://t.co/rTKh1K8c6b— K Raghu Rama Krishna Raju (@RaghuRaju_MP) October 2, 2022
