స్టార్ హీరోయిన్ సామ్ బ్యాక్ టు బ్యాక్ మంచి మూవీస్ చేస్తూ లైం లైట్ లో ఉంటోంది. ఇక ఇప్పుడు ఈ బ్యూటీ లేడీ విలన్ గానూ ఆడియన్స్ ని అలరించడానికి సిద్ధమౌతోంది. తమిళ స్టార్ హీరో సినిమాలో నెగెటివ్ రోల్ చేయనున్నట్టు తెలుస్తోంది. నాగ చైతన్యతో డివోర్స్ తీసుకున్నాక సామ్ తన కెరీర్ మీద ఫుల్ కాన్సంట్రేషన్ చేస్తోంది. ‘పుష్ఫ’తో తన సత్తా చూపించిన యంగ్ హీరోయిన్ క్రేజీ ప్రాజెక్ట్ లలో వర్క్ చేస్తోంది. ఇప్పటివరకు సమంత గ్లామర్ హీరోయిన్ గా ఎన్నో హిట్ చిత్రాల్లో నటించిన విషయం తెలిసిందే. కొద్దికాలం నుంచి విభిన్న పాత్రల్లోనూ నటించేందుకు ఈ స్టార్ బ్యూటీ సై అంటోంది. ఇప్పటికే బోల్డ్ క్యారెక్టర్స్, ఐటెం సాంగ్ లలో నటించిన విషయం తెలిసిందే. ఇక ప్రస్తుతం లేడీ విలన్ గా ప్రేక్షకులను మెప్పించనుందని తెలుస్తోంది. తమిళ సూపర్ స్టార్, దళపతి విజయ్ తొలిసారిగా డైరెక్ట్ తెలుగు మూవీ చేస్తున్న విషయం తెలిసిందే. ‘వారసుడు’ అనే టైటిల్ తో తెలుగు, తమిళంలో రూపొందుతున్న ఈ చిత్రానికి రైటర్, దర్శకుడు వంశీ పైడిపల్లి డైరెక్ట్ చేస్తున్నాడు. శ్రీ వెంకటేశ్వర క్రియేషన్స్ బ్యానర్ పై దిల్ రాజు, శిరీష్ నిర్మిస్తున్నారు. టాలీవుడ్ యంగ్ అండ్ స్టార్ హీరోయిన్ రష్మిక మందన్న హీరోయిన్ గా ఎంపికైన విషయం తెలిసిందే. సెన్సేషనల్ మ్యూజిక్ డైరెక్టర్ థమన్ అదిరిపోయే సంగీతం అందించారు. ఇటీవల విడుదలైన ఫస్ట్ లుక్ పోస్టర్ కు అదిరిపోయే రెస్పాన్స్ వచ్చింది. విజయ్ సినిమాకు విలన్ పాత్ర కోసం యంగ్ బ్యూటీ సమంతను సంప్రదించినట్టు తెలుస్తోంది. కోలీవుడ్ వర్గాల్లో ప్రచారం జరుగుతోంది. విభిన్న పాత్రల్లో నటిస్తూ షాకిస్తున్న సమంత తొలిసారిగా ఫుల్ లెన్త్ లేడీ విలన్ గా కనిపించబోతుందనడంతో అభిమానులు ఎగ్జైట్ ఫీల్ అవుతున్నారు. గతంతో తమిళంలో వచ్చిన చియాన్ విక్రమ్ మూవీ ‘10’లో సమంత కొంత నిడివి నెగెటివ్ రోల్ లో నటించిన విషయం తెలిసిందే. ఆ మూవీ తర్వాత ఇప్పుడు విజయ్ మూవీలో విలన్ గా నటించబోతోందనే వార్తలు వస్తున్నాయి. ఇక సమంత ప్రస్తుతం తన అప్ కమింగ్ ఫిల్మ్స్ ‘యశోద’,‘శాకుంతలం’, ‘ఖుషి’తో బిజీగా ఉంది.
