`గార్గి` లేడీ పవర్‌ స్టార్‌ సాయిపల్లవి నటించిన లేటెస్ట్ మూవీ. ఇప్పుడు ఇండస్ట్రీలో `గార్గి` టాక్ ట్రెండ్‌ అవుతుంది.ఈ మూవీ 15 న రిలీజ్ కావడానికి సిద్ధమౌతోంది. ఇక ఇప్పుడు ఈ మూవీకి సంబందించిన ఫస్ట్ రివ్యూ రిలీజ్ అయ్యింది. ఈ మూవీకి సంబంధించి కొన్ని ఇంటరెస్టింగ్ టాపిక్స్ వైరల్ గా మారాయి. బోల్డ్ క్యారెక్టర్స్ కి పెట్టింది పేరు సాయి పల్లవి. గ్లామర్ పాత్రలకు దూరంగా ఉండే సాయి పల్లవి ఇలాంటి సత్తా నిరూపించుకునే పాత్రల్లో చేసి తానేంటో నిరూపించుకుంది. ఇటీవల `విరాటపర్వం`లో మెప్పించిన ఆమె ఇప్పుడు `గార్గి` చిత్రంతో ఆడియన్స్ ముందుకు రాబోతోంది. పీఆర్ గౌతమ్‌ డైరెక్షన్ లో వస్తున్నా ఈ మూవీ 15న విడుదల కానుంది.
స్టోరీ లైన్ ఏమిటి
`గార్గి` మూవీ తమిళంలో తెరకెక్కించారు. సాయిపల్లవి మెయిన్‌ లీడ్‌గా నటించడం, ఆమెకి తెలుగు, కన్నడలో మంచి మార్కెట్‌ ఉండటంతో తమిళంతో పాటు తెలుగు, కన్నడలోనూ రిలీజ్ చేస్తున్నారు. ఇది సాయిపల్లవి అనే టీచర్‌ న్యాయ పోరాటాన్ని ఆవిష్కరించే చిత్రమని తెలుస్తోంది. సాయిపల్లవి టీచర్‌గా జాబ్‌ చేస్తూ పూర్తి ప్రైవేట్‌ జీవితాన్ని గడుపుతుంటుంది. తండ్రి సెక్యూరిటీ గార్డ్ గా ఉంటారు. అనుకోకుండా ఓ రోజు ఓ కేసులో గార్గి తండ్రిని పోలీసులు అరెస్ట్ చేస్తారు. తండ్రి ఎక్కడున్నాడో కూడా తెలియదు. కలిసేందుకు వెళితే పోలీసులు కలవనివ్వరు. దీంతో న్యాయం కోసం, తండ్రిని నిర్దోషిగా విడిపించడం కోసం ఆమె ఎలాంటి పోరాటం చేసిందనేది సినిమా కథ అని టాక్. ప్రస్తుతం `గార్గి` సినిమాకి సంబంధించిన రివ్యూ రిపోర్ట్ ట్విట్టర్లో వైరల్ అవుతుంది.
క్రిటిక్స్ ఏం చెప్తున్నారు
బలమైన కంటెంట్‌తో వస్తున్నా సినిమా కావడంతో, నమ్మకంతో చిత్ర బృందం రెండు రోజుల ముందుగానే తమిళనాడులో సినీ క్రిటిక్స్ కి, ఫిల్మ్ జర్నలిస్ట్ ప్రత్యేకంగా ప్రదర్శించారు. తాజాగా ఆ రిపోర్ట్ బయటకువచ్చింది. రివ్యూ రేటింగ్‌ షాకిస్తుండటం విశేషం. కోలీవుడ్‌ క్రిటిక్స్ ఏకంగా ఫైవ్‌ స్టార్‌ రేటింగ్‌ ఇవ్వడం విశేషం. మేజర్‌గా అందరూ ఫైవ్‌ స్టార్‌ రేటింగ్‌ ఇవ్వగా, కొంత మంది ఫోర్‌ రేటింగ్‌ ఇచ్చారు. అద్బుతమైన సినిమాగా దీన్ని వర్ణిస్తుండటం విశేషం. ఇప్పటి వరకు చూసిన చిత్రాల్లో ది బెస్ట్ మూవీగా చెప్పడం మరో విశేషం. డైరెక్టర్ ఒక సెన్సిటివ్ సబ్జెక్టు ని చాలా అద్భుతంగా డీల్ చేశారని ఇప్పుడు రిలీజ్ అవుతున్న అన్ని మూవీస్ లోకి ఇదొక పవర్ఫుల్ మూవీ అని చెప్తున్నారు. మహిళల పాత్రలని బోల్డ్ గా చూపించారని ఇదొక మోటివేషనల్ మూవీగా అందరి మన్ననలు అందుకుంటుందని ట్విట్టర్ లో పోస్ట్ చేస్తున్నారు క్రిటిక్స్ . దర్శకుడు పీఆర్ గౌతమ్‌ అద్భుతమైన కథని తెరపై ఆవిష్కరించారని, డ్రామా ఆద్యంతం కట్టిపడేసేలా ఉంటుందని, సినిమా ఆసాంతం చూపు తిప్పుకోనివ్వనంత బాగా సాగిందని అంటున్నారు.
సాయి పల్లవి నటనకు “టేక్ ఏ బౌ” అంటూ కామెంట్స్
సినిమాటోగ్రఫీ, ఎడిటింగ్‌ అంత అద్భుతంగా వచ్చిందని పాత్రల మూడ్‌ని క్యాప్చర్‌ చేయడంలో సినిమాటోగ్రాఫర్‌ తన పనితీరుని ప్రదర్శించారని అంటున్నారు. క్లైమాక్స్ సినిమాకి హైలైట్ గా నిలవబోతోందని టాక్. మరోవైపు సాయిపల్లవి నటనపై అంతా ప్రశంసలు కురిపిస్తున్నారు. `టేక్ ఏ బౌ` అంటూ ట్విట్టర్లో కామెంట్లు పెట్టడం విశేషం. సినిమా కోసం ఆమె పడిన కష్టం తెరపై పూర్తి శాతం ఆవిష్కరించారని సమాచారం. ఈ మూవీ చూస్తే గనక గార్గి పాత్రలో ఆమెని తప్ప మరెవ్వరినీ ఊహించుకోలేమంటున్నారు. అంతేకాదు ఏకంగా సాయిపల్లవికి ఈ ఏడాది జాతీయ అవార్డు పక్కా అంటూ కామెంట్లు పెట్టడం విశేషం. కోర్ట్ రూమ్‌ డ్రామా, సొసైటీకి చాలా రిలేటెడ్ గా ఉంటుందని, నేషనల్ అవార్డు ని సొంతం చేసుకున్నా ఆశ్చర్యపోవాల్సిన పనిలేదని పోస్ట్ లు పెడుతున్నారు. సూర్య, జ్యోతికలు ఈ చిత్రానికి సమర్పకులుగా వ్యవహరించినప్పుడే ఈ చిత్రంలో ఎంతటి స్టఫ్‌ ఉందో అర్థం చేసుకోవచ్చు అని, ఈ ఏడాది బెస్ట్ మూవీలో ఇది ఒకటిగా నిలుస్తుందని చెబుతున్నారు.
