ఆది సాయికుమార్ లవర్ బాయ్ గా నటిస్తూనే యాక్షన్ ఆడియన్స్ కి బాగా దగ్గరయ్యాడు. ఇక ఇప్పుడు ఆయన ప్రొడక్షన్ నెంబర్ 3 గా విజన్ మూవీస్ బ్యానర్ పై ఫేమస్ బిజినెస్ పర్సన్ నాగం తిరుపతిరెడ్డి నిర్మిస్తున్న మూవీ తీస్ మార్ ఖాన్ లో నటించాడు. కళ్యాణ్ జి గోగణ దర్శకత్వంలో ఈ మూవీ వస్తోంది. ఈ చిత్రంలో ఆది సాయికుమార్ సరసన పాయల్ రాజ్ పుత్ హీరోయిన్‌గా నటిస్తుండగా.. సునీల్, పూర్ణ కీలకపాత్రలు పోషిస్తున్నారు. తాజాగా ఈ సినిమా రిలీజ్ డేట్ అనౌన్స్ చేశారు మేకర్స్. ఎంతో ప్రతిష్టాత్మకంగా రూపొందించిన ఈ తీస్ మార్ ఖాన్ చిత్రాన్ని ప్రపంచవ్యాప్తంగా ఆగస్టు 19న గ్రాండ్ గా విడుదల చేయబోతున్నామని ప్రకటించారు దర్శకనిర్మాతలు. చిత్ర ప్రమోషన్స్ లో భాగంగా రిలీజ్ చేసిన ఈ సినిమా పోస్టర్స్, గ్లింప్స్ సినిమాపై ఆసక్తి పెంచేశాయి. అదేవిధంగా ఇటీవల విడుదల చేసిన ఈ మూవీ టీజర్ ప్రేక్షకుల నుంచి భారీ రెస్పాన్స్ తెచ్చుకొని సినిమాపై అంచనాలు పెంచేసింది. ఈ మూవీ టీజర్ కి రికార్డు స్థాయిలో వ్యూస్ వచ్చాయి.
మనం ఆపాలనుకున్నంత పవర్ మనదగ్గరున్నా మనం ఆపలేనంత పవర్ వాడిదగ్గరుంది అనే డైలాగ్ ఈ సినిమాలో హీరో క్యారెక్టర్ ఎంత పవర్ ఫుల్‌గా ఉండనుందో చెప్తోంది. తీస్ మార్ ఖాన్ అంటూ ఈ వీడియోలో హీరో విభిన్న షేడ్స్ చూపించడంతో సినిమాపై హైప్ క్రియేట్ అయింది. ఆది సాయికుమార్ పవర్ ఫుల్ పాత్రలో నటించిన ఈ సినిమాను హై ఓల్టేజ్ యాక్షన్ ఎంటర్టైనర్ గా ప్రేక్షకుల ముందుకు తీసుకొస్తున్నారు. ఖర్చుకు వెనక్కు తగ్గకుండా భారీ బడ్జెట్ తో ఈ సినిమాను రూపొందించారు నిర్మాతలు. స్టూడెంట్, రౌడీ, పోలీస్ గా మూడు వేరియేషన్స్ ఉన్న పాత్రలో ఆది సాయికుమార్ నటించడం ఈ సినిమాకు మేజర్ అసెట్. మణికాంత్ ఎడిటర్ గా వర్క్ చేసి స్మార్ట్ అవుట్ పుట్ తీసుకొచ్చారు. ఈ చిత్రానికి సంగీతం సాయి కార్తీక్ అందించగా బాల్ రెడ్డి సినిమాటోగ్రఫీ చేశారు.
