Connect with us

Hi, what are you looking for?

Andhra News

రెస్కోలో అవినీతి ప్రవాహం- గొంతెత్తిన వైసిపి ఎంపీ

ఆంధ్రప్రదేశ్ రాష్ట్రంలో విద్యుత్ తీగల్లో కరెంట్ ప్రవహిస్తుందో లేదోగాని అవినీతి మాత్రం జామ్మంటూ పోటెత్తుతోంది. అడిగేవారు లేరని ఆయాశాఖల ఉద్యోగులు ఇష్టానుసారం వ్యవహరిస్తున్నారు. ఇవన్నీ ఎవరో ప్రతిపక్ష నాయకుడు చేసిన ఆరోపణలు కాదు..

Share

విజ‌య‌న‌గ‌రం :  ఆంధ్రప్రదేశ్ రాష్ట్రంలో విద్యుత్ తీగల్లో కరెంట్ ప్రవహిస్తుందో లేదోగాని అవినీతి మాత్రం జామ్మంటూ పోటెత్తుతోంది. అడిగేవారు లేరని ఆయాశాఖల ఉద్యోగులు ఇష్టానుసారం వ్యవహరిస్తున్నారు. ఇవన్నీ ఎవరో ప్రతిపక్ష నాయకుడు చేసిన ఆరోపణలు కాదు.. సాక్షాత్తు అధికార పార్టీ ఎంపీ ఏ ఇలా అంటున్నారంటే పరిస్థితి ఎలా ఉందో అర్థం చేసుకోవచ్చు.

విజయనగరం జిల్లా చీపురుపల్లిలో  గ్రామీణ విద్యుత్ కోపరేటివ్ సొసైటీ, రూరల్ ఎలక్ట్రికల్ కోపరేటివ్ సొసైటీ(రెస్కో)లో అవినీతి రాజ్యం ఏలుతోంది. వాస్తవానికి ఈ సంస్థ కోపరేటివ్ చట్టం ప్రకారం ఏర్పాటైంది. గుర్ల, మేరకముడిదాం..గరివిడి..చీపురుపల్లి మండలాల్లోని దాదాపు 56 వేల విద్యుత్ కనెక్షన్లు ఏ సంస్థ ఆపరేట్ చేస్తోంది.ఈ రెస్కో కాస్త తక్కువరేటుకు విద్యుత్ ను జెన్కో నుంచి కొనుగోలు చేసి నిర్వహణ..ఉద్యోగుల జీతాలు.. ఇతరత్రా ఖర్చులను కలుపుకుని యూనిట్ రేటును కాస్త పెంచుకుని వినియోగదారులకు విద్యుత్ సరఫరా చేస్తుంది. కొనుగోలు..అమ్మకం మధ్య ఉన్న తేడా డబ్బును లాభంగా తీసుకుని దాన్నే జీతాలు..వాహనాలు..రిపేర్లు వంటి అవసరాలకు వాడుతుంది.ఈ సంస్థకు ఈ నాలుగు మండలాల్లో ఏఈలు, డీఈలు, లైన్మెన్ .గుమస్తాలు, ఆఫీస్ సూపరింటెండెంట్లు ఇలా వేర్వేరు స్థాయిల్లో సిబ్బంది ఉంటారు. సంస్థకు కోపరేటివ్ శాఖ నుంచి ఎండి ని ప్రభుత్వం నియమిస్తుంది..

 చైర్మన్ గా ఓ రాజకీయ నాయకుడిని నామినేట్ చేస్తుంది

ఇక ఈ సంస్థలో నిత్యం ఏదోటి అవినీతి ప్రవహించకపోతే కిక్కుండదు అనుకున్నారో ఏమో గానీ ప్రతి రెండేళ్ళకోసారి ఏవోటి అవినీతి, నిధుల దుర్వినియోగం వంటి ఆరోపణలు వెల్లువెత్తుతూనే ఉంటాయి. రెండేళ్ల కిందట దాదాపు రూ.1.7 కోట్లు సొమ్ము సంస్థ ఖాతాలోకి చేరలేదు. ఆంధ్ర బ్యాంకులోకి జమచేసిన ఆ డబ్బును బ్యాంక్ ఉద్యోగి ఎత్తుకెళ్లిపోయినట్లు గుర్తించారు. దానిమీద సీబీఐ విచారణ కూడా చేసింది. ఆ తరువాత ఆ డబ్బును మళ్ళీ సంస్థ ఖాతాలోకి తిరిగి చేర్చారు..గొడవ సద్దుమణిగిన రెండేళ్లకు తాజాగా ఇంకో అవినీతికి తెరలేపారు. ఈ విషయాన్ని వైఎస్సార్సీపీ ఎంపీ చంద్రశేఖర్ గొంతెత్తి ఆరోపించారు. కొత్తగా కనెక్షన్ కావాలనుకునేవారి నుంచి రో.3100 మాత్రమే ఫీజ్ తీసుకోవాల్సి ఉండగా రూ 6500 తీసుకుంటున్నారని, ఈ విధంగా భారీ ఎత్తున దోపిడీ జరుగుతోందని ఆయన ఆరోపించారు. ఇంకా సంస్థకు చెందిన పాత సామాను అంటే స్తంభాలు..ట్రాన్స్ఫార్మర్లు ఇలా స్క్రాప్ కింద అమ్మేస్తున్నారని, దీనికి లెక్కాపత్రం లేదని అన్నారు. అంతే కాకుండా తాను ఊళ్ళో ఉన్న సమయంలోనూ ఇష్టానుసారం కరెంట్ తీసేస్తున్నారని, ఏమని అడిగితే సమాధానం లేదని, ఎంపీ అయిన తనకే సమాచారం, సమాధానం లేకపోతే సాధారణ జనానికి ఏమి తెలుస్తుందని ఆయన బాధపడిపోయారు. సంస్థ ఉన్నతాధికారులు తమకు నచ్చినట్లు వ్యవహరిస్తున్నారని, తమను ఇష్టమైన ఉద్యోగులకు ప్రమోషన్లు, ఇంక్రిమెంట్లు ఇస్తూ తీవ్ర అవినీతికి పాల్పడుతున్నట్లు ఆరోపించారు.

సీనియర్ మంత్రి బొత్స సత్యనారాయణ ప్రాతినిధ్యం వహిస్తున్న చీపురుపల్లిలోనే ఇలా ఉంటే వేరే ప్రాంతాల్లో ఇంకెలా ఉంటుందో చెప్పలేమని ఆయన అన్నారు. ఈ విషయాన్ని తాను జిల్లా సమీక్షా సమావేశంలో ప్రస్తావిస్తానని అన్నారు. ప్రభుత్వ రంగంలోని సంస్థమీద ప్రతిపక్షాలు ఆరోపణలు చేయడం సహజం కానీ అధికార పార్టీ ఎంపీయే ఇన్ని ఆరోపణలు చేస్తుండడాన్ని బట్టి చూస్తుంటే సంస్థలో ఇంకా ఎన్ని లొసుగులు ఉన్నాయో అని ప్రజలు అనుమానాలు వ్యక్తం చేస్తున్నారు. మొత్తానికి విద్యుత్ సంస్థలో అవినీతి ప్రవహిస్తోంది అని ఎంపీ కుండబద్దలు కొట్టారు.దీనిమీద ప్రభుత్వ పెద్దలు ఏమి చర్యలు తీసుకుంటారో చూడాలి

Share
Click to comment

Leave a Reply

Your email address will not be published. Required fields are marked *

  (To Type in English, deselect the checkbox. Read more here)

You May Also Like

Alluri Seetharama Raju

Daftar Situs Slot Bonus New Member  100% 200% TO Kecil 3x 5x 7x 8x 10x 15x Tanpa Potongan Mudah Jackpot Besar Tahun 2023 Bonus...

Uncategorized

Üsküdar Tıkanıklık Açma Üsküdar tıkanıklık açma firmamız tıkalı pimaş borularında ortaya çıkan yabancı maddeler yüzünden oluşan tıkanmaları kırmadan tıkanıklık açıcı servisi ile çözüme kavuşturmaktadır....

Uncategorized

Buy modafinil 200mg, modafinil israel – Buy legal anabolic steroids                            ...

Uncategorized

Su Kaçak Tespiti Nasıl Yapılır Beşiktaş su kaçak tespiti Beşiktaş su kaçak tespiti yapan Uzman, kalorifer borularında meydana gelen su kaçaklarını iki farklı yöntemle...

Lingual Support by India Fascinates