వేణు ఉడుగుల దర్శకత్వంలో ‘విరాటపర్వం’ సినిమా రూపొందింది. ఈ చిత్రంలో రానా కథానాయకుడిగా నటించాడు. సురేశ్ బాబు – సుధాకర్ చెరుకూరి నిర్మించిన ఈ సినిమా, 1990ల నాటి నక్సలిజం నేపథ్యంలో నడుస్తుంది. గ్రామీణ నేపథ్యంలో సాగే ఈ కథలో ఒక పల్లెటూరి యువతి పాత్రలో సాయిపల్లవి కనిపించనుంది.అయితే ఇంతకుముందు చిరంజీవి – చరణ్ కాంబినేషన్లో వచ్చిన ‘ఆచార్య’ సినిమా కూడా నక్సలిజం నేపథ్యంలోనే వచ్చింది. భారీ బడ్జెట్ తో నిర్మితమైన ఈ సినిమా ఆశించిన స్థాయిలో ఆదరణ పొందలేకపోయింది. దాంతో అదే నక్సలిజం నేపథ్యంలో రానున్న ‘విరాటపర్వం’ ఎంతవరకూ ఆడియన్స్ కి కనెక్టు అవుతుందా? అనే టెన్షన్ తో ఉన్నట్టుగా సోషల్ మీడియా ద్వారా తెలుస్తోంది.
‘విరాటపర్వం’ సినిమా విడుదలకి సిద్ధమై చాలా కాలమైంది. కొంతకాలంగా సరైన రిలీజ్ డేట్ కోసం వెయిట్ చేస్తోంది. జూన్ 17వ తేదీన ఈ సినిమాను విడుదల చేయనున్నారు. కొంతకాలంగా హిట్ కోసం వెయిట్ చేస్తున్న రానాకి ఈ సినిమా ఎంతవరకూ హెల్ప్ అవుతుందనేది చూడాల్సి వుంది.
